Asturies paraísu natural - Film Commission
Ir al contenido

Asturies Paraísu Natural Film Commission ye una entidá destinada a facilitar a los productores y profesionales del sector audiovisual tola información que precisen pa la realización de rodaxes na nuestra rexón. La Film Commission, con sede en Llaboral Ciudá de la Cultura, ye la única entidá del Principáu d'Asturies miembru de Spain Film Commission.

Asturies Paraísu Natural Film Commission facilita a los interesaos tola información y sofitos necesarios pal desenvolvimientu de proyectos cinematográficos na nuestra rexón, amás d'ufiertar asesoramientu en tou momentu. Aparte, encárgase de realizar munches funciones, como la facilitación de los permisos de rodaxe, asesoramientu sobre localizaciones, coordinación con instituciones de calter públicu y priváu o contactu con provisores audiovisuales locales, amás d'otros servicios complementarios.

MarrowboneEl Secreto de Marrowbone.

Sitios pa rodar en Asturies

A lo llargo de los años, el Principáu foi escenariu bien de veces de rodaxes de películes, series y anuncios de televisión. Asturies tien bayura de recursos atractivos, tanto naturales como patrimoniales, que suponen escenarios perfectos pa la localización d'allugamientos pa cine y tv. Mar y monte, conxuntos históricos y edificios modernos, mates y ríos, playes y cantiles, palacios y arquitectura industrial... Descubri localizaciones úniques del Paraísu Natural.

Profesionales y empreses

Cola mira de fomentar y promocionar el sector cinematográficu y audiovisual del Principáu y poner en contactu a los técnicos y profesionales de la industria audiovisual asturiana con empreses del sector de dientro y fuera de la nuestra comunidá, Asturies Paraísu Natural Film Commission dispón d'un directoriu online de profesionales y empreses del sector audiovisual con base n'Asturies.

Altas de empresas y profesionales

Altes d'empreses y profesionales.Los profesionales, tanto del sector audiovisual como del sector servicios, puen dase d'alta y xenerar un directoriu públicu con ferramientes de busca.

Inscribise
Sector audiovisual

Sector audiovisualDirectoriu online de profesionales y empreses del sector audiovisual con base n'Asturies.


Consultar
Sector servicios

Sector serviciosDirectoriu online de profesionales y empreses del sector servicios con base n'Asturies.


Consultar

Collaboraciones en proyectos

Asturies Paraísu Natural Film Commission, de magar se creó en mayu del 2016, collaboró nel rodaxe de munches producciones de cine, televisión y publicidá, cola mira de promover y consolidar la rexón como escenariu pa rodaxes, fomentando tanto'l turismu cinematográficu y la cultura del Principáu como la industria audiovisual asturiana.

Ye'l casu, ente munchos otros, d'El secreto de Marrowbone, ópera prima del cineasta asturianu Sergio G. Sánchez; el primer llargumetraxe del asturianu Samu Fuentes, Bajo la piel de lobo; La Zona, serie esclusiva de Movistar+ creada polos hermanos Alberto y Jorge Sánchez-Cabezudo; MAUS, el primer llargu del director uviedín Yayo Herrero; Si yo fuera rico, dirixida por Álvaro Fernández Armero; La influencia, trabayu de presentación de Denis Rovira; o Lo que arde, d'un cineasta tan aclamáu como Oliver Laxe (pola so collaboración nesti film, la Film Commission asturiana foi gallardonada col Premiu San Sebastián-Guipuzkoa Film Commission 2019). Asina mesmo, la Film Commission y Turismu Asturies collaboraron colos documentales Cantábrico. Los dominios del oso pardo, de Joaquín Gutiérrez Acha, y 100 días de soledad, de José Díaz, pa los que s'entamaron delles acciones d'apoyu a la difusión y promoción.

Collaboraciones:

El secreto de Marrowbone

El secreto de Marrowbone

Bajo la piel de lobo

Bajo la piel de lobo

La Zona

La Zona

The Maus

The Maus

Si yo fuera rico

Si yo fuera rico

La influencia

La influencia

Cantábrico. Los dominios del oso pardo

Cantábrico. Los dominios del oso pardo

100 días de soledad

100 días de soledad